Introitus : Masmur 145:19; Ogen: Lukas 1:34-38
Khotbah : Lukas 22:39-46
Khotbah : Lukas 22:39-46
Thema:
Peratendu jadilah
Adam ras Hawa i pasu-pasu Dibata, dua jadi sada. I persada Tuhan, lanaibo ia dua, tapi enggo jadi sada. Adam ras Hawa ipersada Tuhan labo saja ibas keersadaan (selaku tinepa Dibata), tapi sada Kin, enggo kin jadi sada kula (Kej 2:23). Eme sababna dilaki nadingken bapa-nandena, gelah ia jadi sada ras ndeharana (Kej 2:24).
Sope Maria erjabu, enggo mehuli kulana arah Kesah si Badia (Matius 1:18,24). Uga banci jadi e nina Maria (Lukas 1:34). Ersura-sura Yusuf nadingken Maria, alu sinik-sinik (Matius 1:19). Ola kam mbiar, muat Maria jadi ndeharandu. Anak si ibas bertina, jadi arah Kesah si Badia (Matius 1:20).
Nina Tuhan Yesus man ajar-ajarNa, ertotolah gelah ola kena percuban (Lukas 22:40). Adi banci pedauh min calung kiniseran e ibas aku nari; labo peratenku, peratenNdulah jadi (Lukas 22:42). Getem pusuh Yesus; reh gegehna Ia ertoto, curcur panasNa bagi dareh (Lukas 22:44). Kenca dung ertoto idapeti Yesus ajar-ajarNa tunduh; kekekenlah, ertotolah gelah la kam kena percuban (Lukas 22:39-46).
Ibereken Tuhan keperlun kalak sierkemalangen man banNa; idengkehkenNa pernderkuhNa, jenari ikeliniNa (Masmur 145:19). Nina Maria : Kuendesken diringku man Tuhan (Lukas 1:34-38). Nina Yesus : Tapi labo peratenku, peratenNdulah jadi (Lukas 22:42).
Renungen :
Nai-nai nari she genduari enda, manusia erpenggejapen rusur maka manusia enda me Simegegehna. Manusia tinepa simeganjangna ras paksa pembengunen Menara Babel manusia atena seri ras Dibata. Manusia pe megati rukur, maka ia me makhluk si sempurna, simegegehna ras simeganjangna. Tapi adi iperdiateken kegeluhen doni/manusia, megati kel ianggap manusia enda ergegeh, tapi labo ergegeh. Bagi cacing taneh kel ngenca kami enda nina Daud. Gebuk taneh ngenca manusia enda.
Dibata si Mada Kuasa nge sierbahansa nggeluh ras ndat pergegeh. Paksa ngejapken ia megegeh, ijem manusia kote, iukum, ipelawes ku negeri pembuangen, jadi budak i kuta kalak. Paksa kalak lanai ngsup mulahi dirina, Tuhan mbebasken bangsana.
Arah Maria Dibata petubuh Yesus Kristus, guna nebusi manusia. Kuendesken diringku nina Maria. Yesus ngendesken dirina guna tebus manusiabas simate nari. Nina Yesus labo peratenku, peraten Dibata. Kita pe ibas Pekan Doa enda, ninta PERATENNDU JADILAH.
Pdt.Miasi Meliala
Jl.Nirbaya TMII; HP: 0812 9363 565
Sope Maria erjabu, enggo mehuli kulana arah Kesah si Badia (Matius 1:18,24). Uga banci jadi e nina Maria (Lukas 1:34). Ersura-sura Yusuf nadingken Maria, alu sinik-sinik (Matius 1:19). Ola kam mbiar, muat Maria jadi ndeharandu. Anak si ibas bertina, jadi arah Kesah si Badia (Matius 1:20).
Nina Tuhan Yesus man ajar-ajarNa, ertotolah gelah ola kena percuban (Lukas 22:40). Adi banci pedauh min calung kiniseran e ibas aku nari; labo peratenku, peratenNdulah jadi (Lukas 22:42). Getem pusuh Yesus; reh gegehna Ia ertoto, curcur panasNa bagi dareh (Lukas 22:44). Kenca dung ertoto idapeti Yesus ajar-ajarNa tunduh; kekekenlah, ertotolah gelah la kam kena percuban (Lukas 22:39-46).
Ibereken Tuhan keperlun kalak sierkemalangen man banNa; idengkehkenNa pernderkuhNa, jenari ikeliniNa (Masmur 145:19). Nina Maria : Kuendesken diringku man Tuhan (Lukas 1:34-38). Nina Yesus : Tapi labo peratenku, peratenNdulah jadi (Lukas 22:42).
Renungen :
Nai-nai nari she genduari enda, manusia erpenggejapen rusur maka manusia enda me Simegegehna. Manusia tinepa simeganjangna ras paksa pembengunen Menara Babel manusia atena seri ras Dibata. Manusia pe megati rukur, maka ia me makhluk si sempurna, simegegehna ras simeganjangna. Tapi adi iperdiateken kegeluhen doni/manusia, megati kel ianggap manusia enda ergegeh, tapi labo ergegeh. Bagi cacing taneh kel ngenca kami enda nina Daud. Gebuk taneh ngenca manusia enda.
Dibata si Mada Kuasa nge sierbahansa nggeluh ras ndat pergegeh. Paksa ngejapken ia megegeh, ijem manusia kote, iukum, ipelawes ku negeri pembuangen, jadi budak i kuta kalak. Paksa kalak lanai ngsup mulahi dirina, Tuhan mbebasken bangsana.
Arah Maria Dibata petubuh Yesus Kristus, guna nebusi manusia. Kuendesken diringku nina Maria. Yesus ngendesken dirina guna tebus manusiabas simate nari. Nina Yesus labo peratenku, peraten Dibata. Kita pe ibas Pekan Doa enda, ninta PERATENNDU JADILAH.
Pdt.Miasi Meliala
Jl.Nirbaya TMII; HP: 0812 9363 565
0 comments :
Post a Comment